余文樂於本月初低調結婚後，即被傳出「雙囍臨門」，但同時又被指與富貴兄弟們反目。日前，人夫樂仔無視傳聞，拖住零孕味的余太甜蜜出巡。
余文樂本月初與拍拖一年的王棠雲在澳洲完婚。（網上圖片）
余文樂突然於12月5日在社交網站發放婚照，寫下「在對的時間，遇着對的人」，宣布與拍拖一年的台灣「皮帶大王」千金王棠雲（Sarah）正式結為夫妻。不過，樂仔小登科這件大事就僅得老友彭于晏現身，而過往齊齊打邊爐、玩超跑很富貴兄弟沉嘉偉、郭富城和張智霖（Chilam）等就一個都無到，據悉樂仔早於兩年前與他們反目。
網上圖片
婚禮當日，最有名氣的兄弟僅得彭于晏。（網上圖片）
聖誕佳節前，人夫樂仔帶靚靚老婆去中環歎茶，溫馨撐枱腳半個小時後，余氏夫婦再選了幾盒朱古力禮盒，準備送禮。其後，二人會合助手行上三樓玩具店大手掃貨。被指佗B近4個月的Sarah，當日穿上大褸、冷衫和貼身褲，肚扁扁不像懷孕。
婚的余文樂笑笑口拖實太太Sarah離開COVA，余太肚平零孕味，愛小朋友的樂仔要加把勁啦！
飲凍啡的樂仔拎埋老婆杯熱飲慢慢嗒。
結婚未夠一個月，兩公婆成日甜蜜互望。
見老婆主動揀玩具車仔、飛機模型、廚房玩具等，樂仔都不時逗愛妻笑，Sarah還忍不住攬攬老公，又捉實老公手臂，非常溫馨。逗留約廿分鐘，二人買了兩大袋戰利品，滿載而歸。臨走時，記者問樂仔送咩聖誕禮物畀老婆？平日cool爆兼愛黑面的樂仔就風騷笑住回應：「唔使啦！咪送咗我畀佢囉！」隨後拖實愛妻離開。
Sarah被丈夫逗得開心甜笑，忍唔住當眾攬實。
揀玩具時，Sarah不時問老公意見，笑容好有魅力。
來源：巴士的報
