男子武術60公斤級四強，梁宇航延續強勢表現，雖然第一局因失誤而先失一局，但他慶幸自己沒有放棄堅持到成功反勝，他也表示知道對手也不弱，但也會專註於打好自己。
劉駿軒攝
劉駿軒攝
劉駿軒攝
劉駿軒攝
劉駿軒攝
劉駿軒攝
梁宇航八強對上印尼的GUITARA Bintang Reindra Nada，首局本身有望獲勝，但梁宇航因為太過激動想「嗌一嗌」震懾對方，牙膠竟因此掉下而被罰分，因第一局2:2戰和他因犯規而落敗，但最終他也連追兩局反勝，梁宇航賽後坦露當下心聲感無奈，但也慶幸自己能堅持下來反勝：「呢個好考驗心理素質。無論你上一局系輸好、贏好，你下一局要做嘅嘢都系要贏返﹐跟住我教練都系望住我，同我講：「可以。」我都聽到佢嘅支持，我都激勵我自已。我從來都未試過打三 round 贏嘅，多數都兩 round 搞掂，呢次系我第一次打三 round。我覺得贏咗自己。」
而提到因在四強他已可以贏得一面銅牌，被問及如何去鼓勵自己去爭更高的成就時，梁宇航則認為不可以被過去或短期的成績去定義自己，並寄語表示：「即系唔好被過去嘅嘢去定義自己，人永遠都系活在當下。無論你以前攞咩成績，就算衛冕緊都好，都唔好被呢樣嘢去定義你自己。你只系你依家嘅呢個狀態。我今日依然都要以一個「學習者」嘅心態去面對唔同嘅事，無論系散打又好、人生又好、做任何事情都好。」
而提到明日的決賽，梁宇航則表示對手知道對手很強，但也會專註於發揮自己的100%表現，並說：「遇到邊個對手都好，我都要求自己打好每一場。如果唔系攞咩牌個意義都一樣。」
