麦明诗﹝资料图片﹞
据巴士的报报道，近日本港爆出多宗性侵疑云，十优港姐麦明诗今日下午在facebook个人专页自爆，曾经多次在内地遭到性侵犯，又解释没有对外公开或报案，因香港在内地没有司法管辖权。但麦明诗并无进一步透露性侵事件详情，包括日期、地点、施害者、前度男友林作是否知悉等等。
不少网民给予鼓励及同情，但有网民质疑，「性侵犯定性骚扰？好大分别㖞」、「麻烦说清楚到底发生什（甚）么事情 。」
麦明诗是2015年当选香港小姐冠军，为公众所认识。麦明诗于女拔萃毕业，由于是2009年会考十优状元，成绩优秀所以被坊间称为「10A港姐」、「十优港姐」；麦明诗并于2014年在英国剑桥大学法律系毕业，并曾与前大律师林作为情侣关系。
麦明诗披露遭性侵全文如下：
「#metoo 相信唔少女仔都曾经遭受性侵犯，我亦都唔例外，仲要系唔止一次添；有啲系我阻止唔到；有啲系之后谂番，如果我醒觉啲我可能可以阻止到… 受害者能够鼓起勇气面对呢件事，知道错唔系自己，呢个系第一步。但系之后呢？
呢个时候，受害者除咗自责之外好可能会有两个感觉：1，报复，to make him pay for his wrongs，人之常情矣，好听啲嘅term系 ‘retribution’；2，唔希望呢个人可以继续危害到其他嘅victim。
当然法治精神唔允许我地以法律之外嘅方法报复，法治精神呢一点相信我喺以前嘅post都有提过。所以要真系除害得黎又要对嫌疑犯公平而唔未审先判，唯一可取嘅方法系透过法律去制裁。
呢个时候，大部分女仔都会放弃，而我自己经历嘅谂法系咁样：
当时得我同佢，姐﹝即﹞系口同鼻抝，点解要信我多过佢？咁睇嘅话，佢嫌疑程度只得50:50，但系50:50姐﹝即﹞系告唔入啦。而我当时仲要读紧法律。
所以我希望透过呢个post，分享一啲自己嘅体会。
首先，要相信court trial。虽然系’my words against his words’，但系其他环境证供都会帮到。检控官(P)可以cross-examine被告(D)：
P：点解你要带受害者返屋企？
D：帮佢按摩
P：咁点解唔系喺学校？
D：…谂住喺边都冇所谓
P：定系你怕被人见到？有其他企图？
就算佢坚持话系屋企冇越界，呢点被告都好难解释；我唔系律师，相信一个真正律师会可以摧毁被告嘅证供。
第二，想加强个case，就尽量保存好呢啲环境证据。例如，尝试留有文字证据，透过whatsapp质问对方，例如：
V：点解你今日要咁样做？
D：我做咗啲咩
V：你叫我除裤
D：咁先按摩到
虽然咁样唔足以证明佢非礼，但系已经将佢要你除裤呢一点establish咗冇得拗，佢唔可以喺庭到话：「我冇叫，佢自己话要除」。
就算唔直接对质，同可信任嘅人讲番﹝返﹞件事，到时呢个人都可以为检控方作供，而当两个证供系冇inconsistency，就可以加强受害者证供嘅可信性。
当然一个受惊嘅女仔，喺当刻就可以谂到呢啲嘢，系冇可能嘅。呢啲都系我之后不断反复思考先谂到嘅嘢，所以我希望分享可以帮到未受过害嘅女仔。
我相信，法律系最接近公平嘅裁判方法；佢唔系完美，一定有犯罪者法外逍遥；但系比起网络审判、私刑，法律系有好多程序保障，希望赋予每一个人一个opportunity to be heard。
审讯系一个好困扰嘅过程，就算觉得有足够证据，有唔少人都会放弃起诉，因为唔想被呢件事缠绕落去。但系我地都唔应该因为怕烦而用其他方法去达到retribution，因为咁样系对对方唔公平。大佬呀，佢咁样伤害我，我仲要谂点样先对佢公平？哈哈我自己都未必做到。但系呢个系我希望追求到嘅ideal。
呢点带到去最后嘅point：防患于未然。对于我来讲，empowerment 除咗系受害之后唔怕讲出黎﹝嚟﹞，更有效系可以透过自己嘅力量防止呢个伤害。所以呢啲经历鼓励我要懂得自卫 – 我唔系需要打赢一个男人；但系只要制造到一个逃走嘅契机就已经足够。于是几个月前我决定咗要学柔术。
PS，大家可能会问我点解冇采取进一步嘅行动，咁系因为事情系喺内地发生，香港法庭系冇jurisdiction…
PPS，我真系唔系律师，只系读过啲theory，好多都还咗俾老师，所以有需要请寻求专业法律意见」
b01
