麥明詩﹝資料圖片﹞
據巴士的報報道，近日本港爆出多宗性侵疑雲，十優港姐麥明詩今日下午在facebook個人專頁自爆，曾經多次在內地遭到性侵犯，又解釋沒有對外公開或報案，因香港在內地沒有司法管轄權。但麥明詩並無進一步透露性侵事件詳情，包括日期、地點、施害者、前度男友林作是否知悉等等。
不少網民給予鼓勵及同情，但有網民質疑，「性侵犯定性騷擾？好大分別喎」、「麻煩說清楚到底發生什（甚）么事情 。」
麥明詩是2015年當選香港小姐冠軍，為公眾所認識。麥明詩於女拔萃畢業，由於是2009年會考十優狀元，成績優秀所以被坊間稱為「10A港姐」、「十優港姐」；麥明詩並於2014年在英國劍橋大學法律系畢業，並曾與前大律師林作為情侶關係。
麥明詩披露遭性侵全文如下：
「#metoo 相信唔少女仔都曾經遭受性侵犯，我亦都唔例外，仲要系唔止一次添；有啲系我阻止唔到；有啲系之後諗番，如果我醒覺啲我可能可以阻止到… 受害者能夠鼓起勇氣面對呢件事，知道錯唔系自己，呢個系第一步。但系之後呢？
呢個時候，受害者除咗自責之外好可能會有兩個感覺：1，報復，to make him pay for his wrongs，人之常情矣，好聽啲嘅term系 ‘retribution’；2，唔希望呢個人可以繼續危害到其他嘅victim。
當然法治精神唔允許我地以法律之外嘅方法報復，法治精神呢一點相信我喺以前嘅post都有提過。所以要真系除害得黎又要對嫌疑犯公平而唔未審先判，唯一可取嘅方法系透過法律去制裁。
呢個時候，大部分女仔都會放棄，而我自己經歷嘅諗法系咁樣：
當時得我同佢，姐﹝即﹞系口同鼻抝，點解要信我多過佢？咁睇嘅話，佢嫌疑程度只得50:50，但系50:50姐﹝即﹞系告唔入啦。而我當時仲要讀緊法律。
所以我希望透過呢個post，分享一啲自己嘅體會。
首先，要相信court trial。雖然系’my words against his words’，但系其他環境證供都會幫到。檢控官(P)可以cross-examine被告(D)：
P：點解你要帶受害者返屋企？
D：幫佢按摩
P：咁點解唔系喺學校？
D：…諗住喺邊都冇所謂
P：定系你怕被人見到？有其他企圖？
就算佢堅持話系屋企冇越界，呢點被告都好難解釋；我唔系律師，相信一個真正律師會可以摧毀被告嘅證供。
第二，想加強個case，就盡量保存好呢啲環境證據。例如，嘗試留有文字證據，透過whatsapp質問對方，例如：
V：點解你今日要咁樣做？
D：我做咗啲咩
V：你叫我除褲
D：咁先按摩到
雖然咁樣唔足以證明佢非禮，但系已經將佢要你除褲呢一點establish咗冇得拗，佢唔可以喺庭到話：「我冇叫，佢自己話要除」。
就算唔直接對質，同可信任嘅人講番﹝返﹞件事，到時呢個人都可以為檢控方作供，而當兩個證供系冇inconsistency，就可以加強受害者證供嘅可信性。
當然一個受驚嘅女仔，喺當刻就可以諗到呢啲嘢，系冇可能嘅。呢啲都系我之後不斷反覆思考先諗到嘅嘢，所以我希望分享可以幫到未受過害嘅女仔。
我相信，法律系最接近公平嘅裁判方法；佢唔系完美，一定有犯罪者法外逍遙；但系比起網絡審判、私刑，法律系有好多程序保障，希望賦予每一個人一個opportunity to be heard。
審訊系一個好睏擾嘅過程，就算覺得有足夠證據，有唔少人都會放棄起訴，因為唔想被呢件事纏繞落去。但系我地都唔應該因為怕煩而用其他方法去達到retribution，因為咁樣系對對方唔公平。大佬呀，佢咁樣傷害我，我仲要諗點樣先對佢公平？哈哈我自己都未必做到。但系呢個系我希望追求到嘅ideal。
呢點帶到去最後嘅point：防患於未然。對於我來講，empowerment 除咗系受害之後唔怕講出黎﹝嚟﹞，更有效系可以透過自己嘅力量防止呢個傷害。所以呢啲經歷鼓勵我要懂得自衛 – 我唔系需要打贏一個男人；但系只要製造到一個逃走嘅契機就已經足夠。於是幾個月前我決定咗要學柔術。
PS，大家可能會問我點解冇採取進一步嘅行動，咁系因為事情系喺內地發生，香港法庭系冇jurisdiction…
PPS，我真系唔系律師，只系讀過啲theory，好多都還咗俾老師，所以有需要請尋求專業法律意見」
b01
